見到沐字頭，又係啟德嘅掘頭路。最近好多人Google沐禮街，因為新一期啟德居屋啟欣苑(啟德2B2用地)嘅地址係沐禮街6號。
 |
| 啟欣苑售樓書列出嘅地址 |
沐禮街(L7路)位於九龍城富豪東方酒店對面，連接住世運道(D1路)。世運道係雙程雙線分隔車路，同太子道東平行，連接協調道迴旋處(AIRSIDE)至現有世運道(宋皇臺站)。
雖然上年7月地政總署已經頒布街道命名，不過沐禮街同世運道仲未完工通車㗎，依家想揸車去沐禮街係去唔到嘅。
新建世運道由「啟德發展計劃 – 前北面停機坪第5期的基礎設施工程」分兩期興建，第5A期工程興建世運道東段、沐禮街，以及已通車嘅K72橋，第5A期工程接近完成，沐禮街通車之後可以經協調道進入。
 |
| 第5A期工程範圍，包括建造沐禮街同世運道東段 |
 |
| 餘下半段世運道由第5B期工程進行 |
 |
| 第5B期工程預計2025年完工 |
至於第5B期工程就興建另一半世運道西段，不過工程先開始咗年半，根據土木工程拓展署資料，工程預計2025年完成。嗱，第5A期最初話2020年完成，依家沐禮街都仲未開，問吓大家一條簡單數學題，今年係邊一年話？識答嘅話就知第5B期實際係幾時完成㗎啦～
 |
| 啟欣苑嘅預計入伙時間 |
至於啟欣苑嘅預計關鍵日期係2024年12月31日，可預見入伙初期沐禮街係掘頭路中嘅掘頭路，路面交通唔太方便。(正苦、區已完要做嘢依家已經可以做定㗎啦，咪到入伙嗰陣先話冇配套啊)
不過啟欣苑交通情況都唔太差啦，行過去太子道東、啟德站、宋皇臺站都唔太耐。住得啟德，行多啲路係基本啦吓～
啟欣苑另一賣點係連接地下購物街，呢個呢⋯⋯⋯⋯⋯⋯留返下次再講。睇完記得CLS，留言讚好分享喔～～
#啟德資訊 #啟欣苑 #沐禮街 #世運道 #協調道 #啟德2B2用地
留言
張貼留言