啟德地下購物街 - 啟德站段 (2022年)

 全長1500米嘅啟德地下購物街分成多段發展，其中連接啟德站至AIRSIDE，以及啟德站至新鴻基1F1住宅項目嘅部分會首先完成。地下購物街大約闊20米，中間8米闊嘅空間係公用通道。

圖中橙色部分為興建中嘅地下購物街及行人通道（不按比例繪畫）

從地面觀看地下購物街工程嘅位置

發展用地：左邊係AIRSIDE，右邊係新鴻基1F1

由南豐AIRSIDE興建嘅地下購物街會連接啟德站車站大堂(C出口)；新鴻基嘅地下購物街會連接B出口嘅行人通道；AIRSIDE同1F1用地之間嘅6米闊地下行人通道就由雙方各自興建，估計淨係通道，冇嘢賣嘅。

C出口位置

1F1用地嘅地下購物街會連接 B出口行人通道

政府曾表示：「為方便市民日後使用地下購物街，相關賣地條款會要求發展商在地下購物街內設置 24 小時無障礙行人通道 ／往來地面出入口 (除接駁至沙中線的宋皇臺站和啟德站的出入口外，其開放時間需配合相關車站的運作 )」

因此可估計，連接啟德站嘅部份未必24小時開放，喺車站唔開放嘅時間(例如凌晨)，市民須使用AIRSIDE與1F1用地之間嘅行人通道，而嗰段行人通道。

至於啟用時間，AIRSIDE預計2022年下半年開；新鴻基1F1項目就遲啲，估計2023-24年。