有page友畀張圖問：前跑道區住宅嘅商業樓面面積點計？
 |
| YouTuber 黑糯米嘅影片截圖，展示前跑道區住宅用地嘅商業樓面面積 |
商業樓面面積，應該都係 地盤面積 乘以 商業用途嘅地積比(Plot Ratio, PR)
所以搵到地積比就會計到，而地積比應該喺《啟德分區計劃大綱圖》可以搵到。
不過搵咗好耐都搵唔到，有商業地嘅商業地積比；有住宅地嘅住宅地積比；前跑道區住宅嘅規劃資料冇講商業部分嘅地積比⋯⋯
好彩喺另一份文件搵到：海濱事務委員會 啟德海濱發展專責小組 2021.11.1 會議 啟德發展進一步檢討研究 嘅powerpoint P.12
 |
| 唔係塊塊地都有商業面積 |
上半部分係現時版本(S/K22/6)，下半部分係建議修訂(S/K22/7)，兩者嘅差異係4B5 4C4 4C5，呢3塊商業用地打算轉住宅用途。
現時有商業樓面嘅住宅地以面向維港嘅為主，包括4E1 4E2 4A2 4C1-3，佢哋嘅商業地積比都係0.2；4B5 4C4如果轉住宅，商業地積比分別係0.5同0.3。
搵到地積比之後就係搵地盤面積，地段資料(包括用地邊界)可以去香港地理數據站「地段索引」應用程式介面提取，利用地理資訊軟件QGIS，將數據畫落地圖順便計埋地段面積(平方米)。
然後用Excel計⋯⋯
得到嘅數值同黑糯米嘅資料差唔多，相差幾十平方呎左右。
順便計埋4B5同4C4轉住宅後嘅商業樓面面積，由於呢兩塊地未賣，所以地段資料用 資料一線通 法定圖則的數碼規劃數據 (分區計劃大綱草圖) 嘅資料去計。
 |
| 規劃上嘅劃地同賣地嘅劃地可能會有差異 |
4B5同4C4轉住宅之後，商業樓面面積高過現有跑道區住宅地。
今次計咗跑道區嘅住宅，下次計晒成個啟德嘅商業地，睇吓區內嘅商業分佈係點。
開返黑糯米條片，有張航拍相咁似熟口面嘅⋯⋯
留言
張貼留言