 |
| 前跑道區餘下三幅酒店用地及鄰近的設施 |
早前城規會就《啟德分區計劃大綱草圖》S/K22/7接受公眾申述，勢估唔到喺公開諮詢環節，竟然連一份支持嘅意見都冇。
其實呢個改劃建議，曾經上過海濱事務委員會，主席都提過，如果將呢幾塊地劃做住宅，係咪就可以解決到房屋問題? 係咪就可以解決到劏房問題?
既然呢3塊地改劃成住宅都會預計建成豪宅，咁有冇諗過冇左呢3塊酒店地，對郵輪碼頭同旅遊樞紐既發展會有乜影響? 可以預計改劃了這3塊地，既不能解決目前的問題，也為將來帶來了更多的問題。
如果，你打算將跑道末端打造成娛樂旅遊地塊，那肯定會嘈。民居靠哪麼近，合適嗎? 反而用來做高端酒店，變成了一個緩衝區，是十分好的規劃。
在疫情前，郵輪碼頭每逢靠岸落客，總會對附近交通帶來很大影響，而且要等巴士等的士出市區亦大排長龍。因此在郵輪碼頭附近建設酒店可達到旅客分流的效果。高端客戶落船後直接經空中花園直達5星酒店稍作整頓，配合旅遊中樞分流旅客，那麼在下船後第一時間需要坐車的人會大大減少，旅客候車時間亦會大幅減少，至少不會一下船便感受到香港特色之排隊。
香港能夠有清晰規劃的市區地已絕無僅有。而美好發展往往都只變為豪宅項目。貝沙灣旁的數碼港，白石角的科學園。科技產業除了自我陶醉的美好就剩下豪宅產業，人們總愛說香港地產有霸權，除了地產商賺到盡之外，政府取易捨難地將好的地點都拿去賣掉起豪宅亦是幕後推波助瀾。
解決房屋問題，是要加快北部都會區的建設，公私營房屋比例是7:3 但老實說到時有屋又會否冇人要? 都唔係冇聽過派間公屋都嫌遠嫌偏僻，真心最難為的是夾心階層買層wetland 樓都要用成萬67尺。
#土木工程拓展署 #規劃署 #城規會 #啟德跑道 #海濱事務委員會 #旅遊中樞 #啟德郵輪碼頭
(文章標題由編輯加上)
—————————
編輯「阿訊」回應：
感謝網友投稿同關心最近 #啟德4B5用地 #啟德4C4用地 #啟德4C5用地 嘅規劃修訂，好高興咁快收到第一篇投稿，就上文嘅觀點寫啲補充：
- 認同改劃酒店地為住宅用途無助解決基層住屋問題：平時講住屋問題都係講窮人上唔到車，排唔到公屋，要住劏房。跑道區住宅都係行超級豪宅(價格)路線，完全同基層無關。私人住宅有唔少業主都唔係自住，而係買樓收租，窮人同夾心階層就幫業主供樓，永世都上唔到車。貧者越貧富者越富嘅不良現象理應壓抑。
- 認同三塊酒店地有阻隔噪音污染嘅功能／呢三塊地轉住宅會面對更多噪音問題。跑道末端有唔少噪音源，例如郵輪、跑道公園、政府飛行服務隊啟德分部，有非住宅項目阻隔噪音好啲。如果有留意以往啟德規劃嘅佈局，近噪音嘅用地主要都係商業用地或者G/IC用地，唔會係住宅。近九龍城嘅2A區商業地對正太子道東都申請改劃住宅用途，咁樣規劃係唔理想嘅。
- 啟德郵輪碼頭係不設岸上供電設施(有興趣了解更多可以Google「啟德郵輪碼頭 岸電」)，郵輪停泊期間係會繼續燒油供電，空氣污染物吹到周圍都係。政府喺岸電嘅研究報告話郵輪傾向裝洗滌器(scrubber)減少空氣污染，因而寧願燒油都唔用岸電，令岸電需求大減，唔裝好過，不過洗滌器只係減少到二氧化硫(SO2)同懸浮粒子，對氮氧化物(NOx)減排幫助唔大。4C5用地貼住郵輪碼頭，郵輪就喺隔籬，污染物食到好應。(買咗維港1號嘅準街坊都應該要留意呢個問題，越近郵輪碼頭越出事)
- 酒店地以服務式住宅(Serviced Apartments)嘅形式存在可唔可行？格局係酒店，喺旅遊業不景氣嗰陣做住宅，好景嗰陣轉做酒店。
留言
張貼留言